يامخلفة البنات...الهم للممات

يامخلفة البنات يا شايلة الهم للممات.. مثل شعبي سئ انتشر في مجتمعاتنا العربية يمكن سمعتوة كتير وانا عن نفسي اتكرر كتير باسرتي ودة بسبب ان بس الله رزق عيلتي بيا او بأخواتي البنات طيب ايه ذنبنا؟؟ بتكون البنت هم لأهلها اذا لم تتزوج فهي عانسوهم اذا تزوجت وماخلفتش تبقي عاقر وإذا خلفت بس مش جابت ولد تبقي ام البنات وكأنها شتيمة وهكذا.. المشكلة ان احنا ما اخترناش نكون بنات!! ليه احنا هم!! ليه اتقال للمرأة سترتان الزوج او القبر؟؟ليه مش تعليمي مثلا اوثقافتي هي اللي ستر ليا ليه عاوزين تتدفنونوني من قبل حتي ما اتولد. المشكلة بتبتدي من يوم ولادتي ويتقال لابويا مبروك بنت.. ليه انا هم وكأني هكون سبب في ذل وعار لأهلي يمكن عشان من الأساس الله ماحبنيش مش معظم أهل النار مني خلاني ناقصة عقل ودين لو انا هم لأهلي ليه الله رزقهم بيا وكأني ابتلاء ليهم؟ليه الله خلق الانثي ماكان خلق مجتمع ذكوري وخلاص ليه يخلقني في مجتمع شايفني دايما اقل مهما حققت من نجاحات مريت ويمكن كل بنت مسلمة مرت بأنها تحس ان اخوها الولد هو المخلص المنتظر للعيلة حتي ولو كان اصغر منها..دة ممكن أبوها يتزوج اكثر من واحدة بدافع فقط انه يخلف ولد..واهًو كله بما لا يخالف شرع الله المشكلة كمان في ان المراه الام نفسها بتساهم بشكل كبير في تثبيت الفكرة دي وزرعها في نفوس بناتها من خلال تمييزها بين أولادها الصبيان علي البنات وبتنسي او تتناسي معناتها هي كبنت قبل الزواج من نفس الشئ كتير من البنات وانا كنت منهم كنت بسال نفسي وأقول ليه يارب انت مميز الرجل عني بأشياء كتير ليه خلقتني بنت اكًون هم وثقل لأهلي وكأنه حمل لازم اشيلة من يوم ميلادي ليوم ما أموت وياتري يارب انت فعلا بتحبني طيب لو بتحبني ليه مش شاعرة حبك ليا؟ . مرة سالت ابويا ليه تحب يكون عندك ولد!! قالي الولد عزوة الولد سند بيشيل اسم العيلة طيب ماهو لولا المراة ماكنش في راجل! أصبحنا بالقرن ٢١ والناس لسة بفكر ان البنت هم والبنت عار زي فكر الجاهلية.. لكن اعرفي انك محبوبة من اله كله محبة خلقك مساوية للرجل في كل شي هو اللي قال عنك معينة نظيرة وقال كمان لا الرجل من دون المراة ولا المراة من دون الرجل وقال اننا مساويين امامة..